যে কোন বিপদ আপদ তথা শিব পূজার পর লিঙ্গাষ্টকমের পরে এই স্তব করলে পরমেশ্বর শিব অতি প্রসন্ন হন এবং ভক্তকে সর্ব বিপদ থেকে উদ্ধার করেন।তাছাড়া বিপদ আপদ বা আপনার প্রতি যদি কেউ অন্যায় করে থাকে তাহলে প্রভুর ইচ্ছায় তা সম্পুর্নরুপে বিনষ্ট হয় । ইহা অনুষ্ঠুপ ছন্দে রচিত। সুর না জানা থাকলে প্রথম কমেন্টে লিঙ্ক দেখুন।
॥ শ্রীশিবরক্ষাস্তোত্রম্ ॥
শ্রী গণেশায় নমঃ ॥
অস্য শ্রীশিবরক্ষাস্তোত্রমন্ত্রস্য য়াজ্ঞবল্ক্য ঋষিঃ ॥
শ্রী সদাশিবো দেবতা ॥ অনুষ্টুপ্ ছন্দঃ ॥
শ্রীসদাশিবপ্রীত্যর্থং শিবরক্ষাস্তোত্রজপে বিনিয়োগঃ ॥
চরিতং দেবদেবস্য মহাদেবস্য পাবনম্ ।
অপারং পরমোদারং চতুর্বর্গস্য সাধনম্ ॥ ১॥
গৌরীবিনায়কোপেতং পঞ্চবক্ত্রং ত্রিনেত্রকম্ ।
শিবং ধ্যাত্বা দশভুজং শিবরক্ষাং পঠেন্নরঃ ॥ ২॥
গংগাধরঃ শিরঃ পাতু ভালং অর্ধেন্দুশেখরঃ ।
নয়নে মদনধ্বংসী কর্ণো সর্পবিভূষণ ॥ ৩॥
ঘ্রাণং পাতু পুরারাতিঃ মুখং পাতু জগত্পতিঃ ।
জিহ্বাং বাগীশ্বরঃ পাতু কংধরাং শিতিকংধরঃ ॥ ৪॥
শ্রীকণ্ঠঃ পাতু মে কণ্ঠং স্কন্ধৌ বিশ্বধুরন্ধরঃ ।
ভুজৌ ভূভারসংহর্তা করৌ পাতু পিনাকধৃক্ ॥ ৫॥
হৃদয়ং শংকরঃ পাতু জঠরং গিরিজাপতিঃ ।
নাভিং মৃত্যুঞ্জয়ঃ পাতু কটী ব্যাঘ্রাজিনাম্বরঃ ॥ ৬॥
সক্থিনী পাতু দীনার্তশরণাগতবত্সলঃ ॥
উরূ মহেশ্বরঃ পাতু জানুনী জগদীশ্বরঃ ॥ ৭॥
জঙ্ঘে পাতু জগত্কর্তা গুল্ফৌ পাতু গণাধিপঃ ॥
চরণৌ করুণাসিংধুঃ সর্বাঙ্গানি সদাশিবঃ ॥ ৮॥
এতাং শিববলোপেতাং রক্ষাং য়ঃ সুকৃতী পঠেত্ ।
স ভুক্ত্বা সকলান্কামান্ শিবসায়ুজ্যমাপ্নুয়াত্ ॥ ৯॥
গ্রহভূতপিশাচাদ্যাস্ত্রৈলোক্যে বিচরন্তি য়ে ।
দূরাদাশু পলায়ন্তে শিবনামাভিরক্ষণাত্ ॥ ১০ ॥
অভয়ঙ্করনামেদং কবচং পার্বতীপতেঃ ।
ভক্ত্যা বিভর্তি য়ঃ কণ্ঠে তস্য বশ্যং জগত্ত্রয়ম্ ॥ ১১॥
ইমাং নারায়ণঃ স্বপ্নে শিবরক্ষাং য়থাঽঽদিশত্ ।
প্রাতরুত্থায় য়োগীন্দ্রো য়াজ্ঞবল্ক্যঃ তথাঽলিখত্ ॥ ১২॥
ইতি শ্রীয়াজ্ঞবল্ক্যপ্রোক্তং শিবরক্ষাস্তোত্রং সম্পূর্ণম্ ॥
